Monday, November 11, 2013

 ТҮҮХЭЭС...
Монголын эзэнт гүрний дараа бага хаад эвдрэлцэн Монгол улсыг тараан бутрааж харийн нутагт тулалдаж явсан олон мянган цэрэг эрс Монгол орондоо эргэж ирэлгүй одоогийн Иран, Ирак, Афганистан, Энэтхэг, Бирм, Унгар, болон Европийн олон оронд үлдэж эх нутагтаа эргэж ирээгүй юм. Тэдний ихэнх нь тухайн улс орныхоо уугуул иргэд нь хэмээн өөрсдийгөө боддог боловч түүх намтараа судалсан нэг хэсэг нь өөрсдийгөө Монгол угсаатан гэдгээ мэдэцгээдэг юмаа.

Бага хаадын үед Чингисийн удмын бус ганц хүн хаан болсон нь Ойрадын Эсэн тайш бөгөөд Чингисийн удмын биш гэдгээр нь шалтаглан түүнийг хаан ширээнээс халиулсан байдаг. 17-р зууны үед Монголыг дахин нэгтгэх үйл явдал санаа сэдлүүд хэдэнтээ гарсан боловч хаан ширээнд суух хүнийхээ талаар санаа бодол нэгдэж чадаагүйгээс бүтэлгүйтэж иржээ.
Түүний нэгэн илрэл нь Монгол улсаа нэгтгэх гэсэн Галдан, Чухандорж, Занабазар нарын хоорондын сөргөлдөөн юм. Тэр үед Засагт хаан аймгийнхан Зүүнгар буюу Галданбошигтийг дэмжиж байсан бөгөөд Галданг хаанаа хэмээн хүлээн зөвшөөрч байсан байна.
Галдангийн түүх домогтой холбоотой олон газрууд Засагт хааны нутагт байдаг бөгөөд тухайлбал Хар азаргын нуруу, Дарви зэрэг газрууд одоо ч холбогдон яригдсаар байдаг.

No comments:

Post a Comment